34 -نادية حسين و محمد الصمصام

الأديبة والشاعرة الكبيرة : نادية حسين الأديب والشاعر الرائع ، محمد الصمصام بقلم سليمى السرايري إلى أين تأخذنا أوراقنا هذه الليلة؟ وفي القلب تنبض الروح بالشعر في القلب ألف تنهيدة؟ بأيّ لسان ستتكلّم الأقلامُ في ورقاتنا المسافرة؟ للشاعرة مسافات تجترها الفراغات صمت و فرح يتربعان في كفّها فبأيّ لسان يهمس هذا الصمت و هذا الفرح؟؟ ستُفتح كل النوافذ المغلقة وستجيئ طيور السماء تضيء المرافئ نعرف أن العشق يشرق من الوجدان لكننا نسينا ما اختزلنا من غزل. معلّقة أحلامنا بين ماء ونار فماذا لو خلقنا زمنا آخر لهذا الزمن؟ ماذا لو قتلتنا ذئاب الجمال فهل يجد القبح طعاما إذا أغلقنا دونه أبوابنا؟؟ هكذا تمضي الشاعرة تشرّع الشبابيك لتتسلّ الشمس إلى العتمات. هناك عند العشق المعلق على شراشف المزهرية، شاعر يفتح الغيوم للبرق أغنيات المدينة تحلّق في السماء نجمة تنام وحيدة في خيمة الليل شاعر يغتسل في المسافات الفاصلة يَسْتنزف آخر كلماته المسافرة في الأنين والحب يمضي شاعرنا يبوح بشفافيته ويزرع ألف نرجسة في ثنايا الفصول. فارسان لا أنيس يرافقهما سوى : طائر السلام الأديبة والشاعرة الكبيرة : نادية حسين الأديب والشاعر الرائع ، محمد الصمصام الورقة الأولى نادية حسين لو تروح تْناظر بْعينك تشوف الجمال اللي عليهن ماحصل ناثرات الليل شلال الردوف مايلات (ن) مستميلات بْعدل مايسات القد بضّاتالكفوف كاسيات (ن) بالدلال وبالخجل لينّات العود ترفات العطوف زينهن فوق الرهيب المحتمل والعيون الحور واللحظ العَطَوف والجفون اللي بها الليل اكتحل بالرموش الجارحه جرح السيوف بالجفون اللي تظنّ بْها ثمل يذبحن سود العيون اللي تروف ياخذن للموت في بحْر الأمل والمباسم لامعات (ن) والشفوف مثل وردات (ن)بريقٍ كالعسل ناديات(ن) جاهزاتٍ للقطوف عاطرات(ن) كالخزامى والنفل لاحكن غصبن عليك تقول أوووف همسهن ديم المطر لامنهطل والفطاحل حولهن صفّت صفوف فاتناتٍ يطرحن أفحل فحل قافياتي الواحده منهن هنوف الشعر فيهن تتيم واعْتزل مايجاريهن سوى شاعر ينوف فوق هام الشعْر أو شاعر خبل الورقة الأولى الصمصام كان ودّي باللقــــا بين الصفـــــــوفْ والقـــصايد مـن سحـــايبهـــا تهــــلْ بسّ خـــوفي من خــــدودٍ للهــــنوف من عــــــيونٍ سهـــمها يردي البطـل حينها وش فادني صفـق الكفــــوف وش يكون الموت لا قالوا انهــبل؟!! من يناطح ريم تُحمى بالســـــيوف ؟ دونها الفرســـان تسعـى بالعــجــــل من قوافيها كراديس الزحــــــــــوف من محاسنها قـــلوبٍ تشـــتعــــــــل قلت : حـــرفي كم يغنّى بالدفـــــوف عندأهل الشـــعـــــــر يرقى بالمحل فوق هام الشــعـر شعري لو تشوف أضرب الكــــايد وقـــافي كالأســـــل لكن الظــبيهْ لها طـرفٍ جــــــــنوف ذاجــفــاها يجــعـــل الصاحي خــبل كـنـّهـا مَـــــالتْ لغـــيري بالطــيوف ترويَ الشــعـّـار .. تسـقـيني العِــللْ الورقة الثانية : نادية حسين مواجع لاتظن القلب خــــان والغدر مالـه مكـان مت بظنـــــــونك انا مـت انا قبـل الأوان ويوووووه يا كثر المواجع اللي فيني ويحتـــــــــرينـي ما قـدرت افـرح بحبـــــــك ماقدرت الحـــــــق سنينـي والوجـــــــــع اللـي براسك ليتــــــــــه براسـي يجينـي وكـــــــــان انـا سبـة بـلاك جعل قبـــــــــري يحتوينـي وكــــــــــان انا قصة عناك ليـــت تدري ويش يجيني كــــــــان تنصفنـي بهـواك قلت عــــــودي سامحيني جرحك بقلبك عطيب مايداويـــــه الطبيب وجـرحي بقلبي كبر ياحسافـــه ياحبيب لو قدرت اسـأل علـي ماابي غيـــــرك أحــد ومــــــابقي الا شـوي يمكـن ارحـــــل لـلأبـد عطني من عطفك قليـل ردّ لي بعـض الجميـل كافي انك صـرت لـي حزن في الليل الطويـل الورقة الثانية الصمصام تدرين كــيف الغـــدْرْ *** يغـــيّر الإنســـانْ يحرق ربيع العمرْ *** يجــدّد الأحــــــــزان يغـــتال كل فرحــهْ *** في داخـــــل الأبدان يطوي أمل مــشـرقْ *** لصفــحة النسـيان تدرين ولاّ أقـــــول *** قـصّةْ هــــواكِ واقول أخلصت في حــبّي *** ما طعـــت فيك عــذول وسـهـرتْ من أجـلك *** ون كان ليلي يطول من طول فكري اليوم *** صار الجسم معلول تدرين إنْ غـــدرك *** سَـمْ كامــن الإحساسْ سـدّد لقلبي اطعــون *** من دون كــل الناسْ أسـقـيتني العـلقــم *** وشْـربت صافي الكاسْ أصبحــت أنا المـضيوم *** ومَـا عـليكي باسْ الورقة الثالثة : نادية حسين ياشوق كيف اقدرعلى لوعة البين بعد التغلي حالتي صدْق شينهْ حاله كئيبة كنّ في القلب سكّين يطعن ويدمي قلب زايد حنينهْ تهيّض الاوجاع فرقا المحبين واقعد اعاتب غصب عني ادينهْ ليه التخلّي يا عذاب المزاين؟ ليه التجني ع القلوب الرهينهْ تدري احبك والبلا كلْه من وين الشوق فرّخ في كياني جنينهْ ياشوق روح لْساحر الشف والعين قله ليالي الألف بعدك حزينهْ اصفق كفوفي أه وآهٍ وآهين ياليت ما ضيّعت فرصه ثمينهْ ياليتني شفته ولو متبعدين اموت من اجله ولو موته شينه بس المهم القاه ياليت هالحين ياليت يسمع نوح وجدي وانينه ياويل قلبي ويل حال المجانين قلبي وروحي وْعين تشتاق عينه فدّيت روحه ليت يفداني الزين واعيش عمري بين قلبه وايدينه اذا بغي عيني انا اعطيه الاثنين واذا بغى روحي ترا له رهينه اجيه داره من قصور السلاطين واصير له خاتم بإصْبع يمينه واذا بغى أي شي ماقول بعدين ولو بغاني خادمته الامينه حبّه خذاني وين ودّاني لْوين وداني يم الموت ياما خذينه عن قلب هايم ماصبر عنه يومين يلعن فراقه في الليالي الضنينه ليله ابي شوفة عيونه ولايْبين واقعد اصيحه دم ّ وآقول وينه ياشوق اوقف معي واجزل ببيتين يمكن يهزّه هزّ صوتي بأنينه ويعود يذكر من تركها زمانين بين الوله والشوق .. عمري وسنينه بالأمس جـرّْ صوتهْ بآهِ وآهينْ ويلي على ابياتهْ .. لواعجْ حزينهْ الورقة الثالثة الصمصام نشــــدتْ بِضـعْ أبيات قـالت : حــزينهْ مـاتدري انّ الحــزن شـــــربي وزادي أغــرق كما رباّن باقصـى الســفــينهْ هــمـّـي يعــيش الجـمـع هذا مــرادي وحْـيا ونا ســجـّـان حـزني وسـجـينهْ تلازمـو الإثـنين مــســرى وغـــوادي كــلّن بهـــذا الأمــــر قـــــــيده بدِينهْ حـتى الحــلم ماقـــواه ليلي ســهـادي مـثل الذي مـفـرد ويحـمـي الظعــينهْ تناوشـــــوه عِــــداه وســـط البوادي طاح وخــذوه القـــوم كــتـّف رهـينهْ أصـبح عــــزيز الربع ذالٍ يقــــادي كـســــــير تالي الليل تســمـــع ونينهْ ياعـــــــــــزوتـي ويلاه ليـله يــنادي ماحـوله إلاّ أحـقـاد بغـض وضغـينهْ وقــلوب مـاترحــمــه وين الودادي؟ مـاعـــــــنده إلاّ القــــــيد يبكـي أنينهْ عــشــير مـا يتركه صـحـــو ورقــادي لا حــنّ حــن قــيده لشــوقــه حــنينهْ ينزف وينزف جـرح .. نزفـه ســوادي تمـازجـوا والمـزج مـزج السـخـــينهْ هــذا ســـــواد القــيد .. دمّـهْ مــــدادي ون حــلّوا عـنه القـيد ظهـرت سـنينهْ ســــواة وشــــمْ الكـــفّ للعــين بادي الورقة الرابعة : نادية حسين حكايةابراج مشاعر تايهه جيتـك اجـر القـاف باصدائـي على الشيباني الموزون بالاحساس ع الملّي بسلم واقعد قبالك واسولف لـك مـن ايحائـي حكاية حب في عمـري عسـى تعجبـك وتسلـي عشقته حوتي الأكـحل وسيـم وثائـر ومائـي عشقته حيل واغليته هويته صـار لـي ظلـي يحاسبني علـى الكلمـه واذا جاريـت اكفائـي ونا اكتب له ولعيونـه وكلـي يــعشقـه كلـي واذا اكتب له قصيدة حب قلب بائي على حائـي يشـك ويقلـب الدنيـا ويصبـح (بح) ويـــولـي حبيبي غيرته عميا بلحظـه يصيـر غوغائـي غريبه حالتـه والله وعفاريتـي تسـاون لـي يقولوا الحوت مايقـدر علـى ويـلات لأوائـي هوائيه واخلـي الحــوت يقعد بعـد مايعلّـي واذا بيصد من لاشـي ابقلـب حائـي وبائـي بجيب الراء بعد الحـاء واحـط البـاء واهلـي بزهب له بواريـدي هـلا بـك ياهـلا برائـي ابتهيـا لجحيـــم الشـر واابهذل فيه مااخلى افكر احرق اعصابه نويتـه قصـف عشوائـي ووحده تخيب واللي تصيب تطفي لي بعض غلي انا بعمري ظما صحرا وعيني لبرجـه المائـي واناظر فيه واتحسـر ولاشـرب لا ولا املـي انا ودي لي بصاحب خفيـف الـروح جوزائـي طباعه تشبه طباعي ويعـرف كيـف يوصلـي     الورقة الرابعة الصمصام بغيّر عالم الأبـــــراج من ساسي لأنحائي أبخلطها وبعثرها واخلي الشوق يحكم لي أنا عقرب وبرجي منتحي .. مبعد .. فنا مائي ولكنّي ابجعلــــــــها على كيفي وبا علّي وارحب بالقصيد اللي غدا فكرة بأرجائي واهلي بالهنــــوف اللي لها الخفاق بيهلي هلا أهلا .. ولـــو كانت هوائيــة وجوزائي عداد السحب ما سارت ..عداد الغيث ماهلّ وقصف الرعد بشرني يقول الحب باجوائي بسايرها وراضيها وحبــــــل الصبر متدلي بواريـــد الحبيب اللي نواني بقصف عشوائي ترى ما همني قصفي .. عن الأهداف باجلي وراء الحرب بمحيها .. وحائي يحتضن بائي وأوصلــها وافصّـلْها .. وبعد النـــــــهل بعلّي واميّل عالم الأفلاك من نغمــــــــات أصدائي ونجمات الهــوى تسهر على عزفي وما تملِّ نظام الكــــــــــون يتحول بنظراتي وإيحائي وباكر بعتلي عــــــــرشي إذا ما قلتِ يا خلي     الورقة الخامسة : نادية حسين انا اما بيك تهواني ولابي من خفوقك شي فقط ارجـــوك تذكرني وتذْكر اني حــبيتك واذا دار الزمن فينا تخليني بهجيــرك في واذا ضيم الزمن طالك تخليني مثل خيتك واذا اعْود قلبك وشيّب تذكّر يا بعد كل حي اذاسولفت لأصحابـــــــك تقلْهم كم تمنيتك واذا سولفت لاحفادك تذكّر حب ماهو شوي بغيت تقلهم قصة خفوقــــن ساكن ف بيتك أنا ماغيّر احساسي زمانك يــــوم عني يعي على رمش الوفا شلتك ووسط الروح خبيتك ولو قلّبت بأوراقـــــــك تلاقيني قصايد ضي بأحساسك كتـــــب حرفك ويشهد اني بديّتك انا ما ابيــك تنساني وفقط اطلبْك هذا الشي ابي دايــم تذكّرني لأني بصدق حـــــــــبيتك الورقة الخامسة الصمصام يا ســــــيّـد الإحـسـاس عـــيني تراعــــــيكْ لو تحــتـجـــب عــــــنـّي بروحــي رأيتكْ ون كـنت باقــصى الأرض لاجـيك لاجـيكْ ناظـر بطـرف العــين واشّــــــــــر أتـيـتـكْ أطـلب تلاقــــيـنـي عــــــنـدك أناغــــــيـكْ يا كــيـف أفـــرّط فــيك ســاعــــة لقـــيـتـكْ لجــلك يهـــون الصعــب مادام يرضـيـكْ هـذي حــــياتي لك بعـــــمــري فــــديـتـكْ أهـوى حـروف النبض واهـْـوى غـناويكْ واهـْـوى مـكـان فــيه شــفــتكْ وجـــيـتـكْ إنت الأمـــــل أرجــيه والقـــلب باغــيـكْ لا تحــســـب إنـّي قـط بلحـظه نســيـتـكْ ياجـْـمــل هــــدايا الوقــــت ماحـلى ليـاليـكْ مـن صارخ الخــفــّــاق شِــفــني دعـــيـتـكْ هـمــســـك يناجـــــــيني وكـــــــلـّي يناديكْ انـزل بوســـط القـــــــــلب والبـيـت بـيـتـكْ